Os Exemplares de Pura Raza Galega non poden ser valorados ata a idade de tres anos, sen embargo desde o seu nacemento e trala declaración do nacemento por parte de criador, precisan ser identificados. Para realizar esta identificación (reseña, chip e toma de mostras de sangue) a Comisión Rectora do Libro Xenealóxico autorizará a tantos facultativos veterinarios como estime adecuado, segundo as necesidades de cada momento. Estes facultativos veterinarios deberán estar en posesión do título de Xuíz de Valoración e Cualificación Morfolóxica do Cabalo de Pura Raza Galega.